Friday, December 01, 2006
نريدها أفضل
لا أعلم لماذا دائماً أفكر في اننا مقصرين في حق بلدنا رغم أننا مسحوقين في كفاحنا فيها و لها .... هناك كثير مما أراه يحزنني ... قد لا يؤثر في آخرين و لكنه يؤثر في نفسي ... مما آلمني مؤخرا أنني كثيرا ما بحثت علي الشبكة العنكبوتية عن مناهجنا الدراسية العامة أو المتقدمة (للغات ) في حميع المراحل و صدقوني سواء كان ضعفا في بحوثي أو تقصيرا في نشرها فاننا متأخرون كثيرا حتى عن كثير من البلدان التي تعتمد علينا نحن المصريين من أجل انجاز مثل هذه المهام ( أقصد بلدانا خليجية ) فقد وجدت المناهج من هذه البلاد منشورة بل تحضيرات الدروس للمدرسين و الامتحانات و تعليمات ادارية و فنية للمدرسين و وسائل تعليمية مساعدة للطلبة و روابط على مواقع تتيح لهم التوسع و البحث ...... أيها السادة إن العالم يعلم أبنائه و نحن نخرجهم بشهادات مختومة فقط
Subscribe to:
Post Comments (Atom)
6 comments:
يا عم قول يا باسط.
المهم إنى أخيرا قدرت أوفى بوعدى و أرد الجميل؛ اللينك بتاعك بقى عندنا يا ريس
يا مصرى أفندى حال البلد بقى يقرف و يكئب و يغم و اللى يقرف أكتر سلبية الناس و همجيتهم
الحكومة و الشعب منطبقة عليهم كلمة البيضة الأول و لا الفرخة
مين السبب فى إية سلبية الشعب السبب فى جبروت الحكومة و لا
القمع و الإرهاب النفسى و الفكرى و البدنى السبب فى إستسلام المصريين و ظهور نظرية إمشى جنب الحيط
احنا فعلاً مقصرين في حق بلدنا و أكبر دليل إن احنا مقصرين في حق نفسنا يعني المنطق بيقول إن كل إنسان بيبدأ بنفسه من أجل حياه أفضل و مستقبل أفضل له و لمن حوله
مناهج التعليم مشوهة و منقوصة و بعضها يتعمد تشويهه من النظام بهدف التضليل و التغييب
يعني ملاحظتوش مناهج التاريخ اللي ما بتتناولش من تاريخ مصر العريق غير بعض القشور التافهة متجاهلة كل الثورات و الانتفاضات و قصص الانتصارات المصرية العديدة علي مدار التاريخ المصري و التي كانت تبدأدائماً بظهور رجل واحد و تنتهي بثورة تقلب الحال تماماً؟
انت فين يا مصري ما بتكتبش ليه؟
يا رب تكون بخير
سمر
إلى ايجيبتوس :
تسلم ايديك يا غالي و ان شاء الله تكون المدونة بتاعتي عند حسن ظنك
إلى سمر :
والله عندك حق بس نعمل ايه؟ نتفرج على الخليجيين و هما راكبين الصاروخ و رايحين القمر و احنا نورث الغباء و الكسل منهم ... لا طبعا
إلى يارا :
أسكتي احسن انا واقع في ورطة في الشفل علشان اتزحزحت من جنب الحيط و قلت كلمة حق و كمان ماليش فيها بس تقولي ايه لساني مابيسكتش و اللي بالي بالك مابيرحموش
Post a Comment