العولمة هي الحل

المصري أفندي ياما كان في نفسي واحنا في الأيام المفترجة دي إن واحد من رجال الحكومة و السادة أصحاب المعالي الوزراء يفكر بضميرة بجد في مصلحة البلد يعني الشعب و الحكومة الاثنين معا و يقولنا احنا ياللي ما بنعرفش نفكر... ايه النتيجة؟ و هل فيه أمل يتعايش الشعب و الحكومة مع بعض؟ و يكون فيه مصالح مشتركة ؟ ولا مفيش فايدة ؟ علي العموم انا قلت هو احنا كده يا مصريين مستنيين الحكومة تعمل كل حاجة و احنا ايدنا في الميه الساقعة.... قوم قولت وحياة صيامي لاعتمد علي نقسي وافكر و قال ايه !!!!!! فكرت و بعد ما بذلت جهود جبارة في التفكير لاقيت الحل ....آه و النعمة لاقيته ...... عارفين الحل العبقري بتاعي هو ايه ؟؟؟؟؟ الحل يا سيدي هو العولمة ....آه... العولمة ( globalization) يعني فتح الحدود للمنتجات من كل انحاء العالم و الى كل أنحاء العالم و على الحكومة أن تسهل عمل الأفراد و المؤسسات في تنشيط التجارة الحرة ... أعلم أن كل من احتمل البوست إلى هنا يقول فين الجديد و أقول أن الجديد هو ان على الحكومة أن تصدر شيئين و هما البشر و الآثار فهما العنصران اللذان يحتاجان للرعاية و الإنفاق و عليها أن تستورد ثورة جاهزة لتحصد نتائجها حتى لا يحتاج الشعب للقيام بثورة خاصة به و أول ما فكرت في البلد التي يمكن أن تستورد مصريين وجدت أن أستراليا مساحتها7686850 كم2 و عدد سكانها 20,406,800 بكثافة 2/كم2 و متوسط دخل الفرد سنويا 31,020$ يعني بلد لقطة ممكن نديهم النفر بمائة دولار لا بعشرة و لو فاصلوا ننزل و مع كل مليون مواطن هرم مدرج أو مسلة و شوووووووووبش و اللي ما يشتري يتفرج و اهو الحكومة برضو تكسب لها قرشين و الناس تحل عن قفاها و برضو استراليا حايطلعلها سبوبة حلوة شوية بشر و الهدية شوية آثار و الناس الغلابة يترحموا من الأمن المركزي و الأمن العام و الأمن الغذائي و اليلد حاتبقا فاضيه و الشوارع واسعة و الحكومة حاترتاح من مشاكل الشعب المقرفة و البلد كلها تبقي بتاعة الحكومة و رجال الأعمال و طبعا أول ناس حايتباعوا هما الأخوان و بتوع كفاية علشان المعارضة تنضف و تكون فله و كل سنة و انتم طيبين