طوارئ طوارئ

الناس واقعن في حيص بيص..... منهم البعض لا يزالون يصرخون مطالبين بالحريات ... ويضربون و يعتصمون ...منهم الملتحين و المجلببين و المختمرات و النتقبات و منهم المتحررين و العلمانيين و المتبرجات و المتمكيجات ....... ومن الناس من تمنى في نفسه أن ينصلح حال البلد و هو صامت يدعو ربه و يخاف حتى من زيارة المسجد أو الكنيسة حتى لا تلتصق به أحد التهم المقولبة الجاهزة في دواليب الداخلية و الصحف القومية .... ومن الناس أيضاً من خنع و خلع و طلع بره الملعب و الأستاد خالص و سابها و راح يقلع بلبوص و يمشي في الشارع أقصد يقلع البنات بلبوص في الشارع كنوع من الفرار يعني...... و منهم من اكتفي بأن يدلع نفسه مرة يعيش و يعلى و مرة يقع و ينبط بس أهو عايش و السلام.................................................................................
خلاصة الكلام إن الناس دول و دولم و دوكهوم و دوكهوما متفقيـــــــــــــــــــــــــــــــــــــــــــــــــــــــــــن إن المشكلة في قانون الطوارئ و بيقولوا كلهم إن القانون ده لازم ينشال و يتلغي و انه لو اتشال كل حاجة ممكن تتصلح ........ بس يتشال........... قوم أنا بقى فكرت شوية ..... غصب عني معلش...... لا قيت ان انا من أشد أنصار الحريات المدنية يعني قرأت العقد الاجتماعي بتاع شو و قريت خطب لوثر كنج و لوثر كنج التاني و كنت باتلخبط بينهم بس خلاص بقيت بفرق بينهم و قريت تقارير الهيومن رايتس و يعني عندي كده فكره و رأي .............. و لما فكرت شويه في قانون الطوارئ بتاع مصر بالخصوص لاقيته معضلة علشان هو فعلا لازم يتشال ..... بس إزاي ؟............ مين يعرف يشيله ؟ و يتحمل المسئولية ؟ الناس اللي عمالين يعملوا مظاهرات و اعتصامات و بلوجات و كلام فارغ مش عارفين أنهم لازم يشتغلوا من القاعدة الأول يصلحوا الناس و بعدين يفكروا في النظام لأن مش معقول لو مش عندك عربية و بتمشي على رجليك تزعل من إشارة حمرا على طول ..... وانتا مالك هو يعني لو اخضرت حاتفرق معاك......... المهم قصدي أن الواحد لازم يسأل نفسه لو شالوا قانون الطوارئ الصبح ترضى تبقى وزير داخلية و تنسأل عن كل حادثة بتحصل و عن كل واحد ماشي في الشارع و المفروض ما يمشيش فيه ؟و عن كل تجاوز كان ممكن يتلحق ولم يلحقه شئ .... وممكن بالأخص تنسأل عن تجاوزات ضباط لم يتعلموا العمل بدون تجاوزات ؟ و لم يتعلموا التحرك بدون قانون الطوارئ ؟ و لم يتعلموا التحري بدون تعذيب ؟ ممكن تسيطر على المتطرفين و على البلطجية بتوع الحكومات السابقة؟ كل ده بدون قانون الطوارئ ؟ قوللي بقى حاتيجي تحلف اليمين إمتى ؟